Dastuurka JFS (A Citizen’s Initiative)
Home Constitution Blog Authors
CUTUBKA 6: BAARLAMAANKA FEDERAALKA SOOMAALIYA
(CHAPTER 6: THE FEDERAL PARLIAMENT OF SOMALIA)
Madaxa Saddexaad: Awoodaha Labada Gole ee Baarlamaanka Federaalka
Somali (Original)

Qodobka 96aad: Heshiisyada Caalamiga ah

(1) Baarlamaanka Federaalka Soomaaliya wuxu ansixiyaa ama diidaa heeshiisyada caalamiga ah ee ay Xukuumadda Federaalku gasho ee: (a) Saameeya: difaaca, nabadda, gobannimada iyo madaxbannaanida Jamhuuriyadda; ama (b) Ku saabsan: siyaasadda, dhaqaalaha, ganacsiga iyo kuwa dawladda u keenaya mas'uuliyad maaliyadeed.

(2) Xukuumaddu waa in ay u soo gudbisaa Baarlaamanka Federaalka heshiisyada caalamiga ah ee ay gasho ugu badnaan lixdan (60) maalmood gudahood, oo ka billaabanaysa maalinta la saxiixay heshliska, iyadoo baarlamaanka ay waajib ku tahay inuu ku ansixiyo ama ku diido muddo aan ka badneyn boqol iyo labaatan (120) maalmood gudahood.

(3) Heshiis calami ah kama dhaqangeli karo geyiga Jamhuuriyadda Federaalka Soomaaliya haddii uusan ansixin Baarlamaanka Federaalka.

English

No translation available yet in English.

Plain-Language Explanation

Somali
Baarlamaanka Federaalka Soomaaliya ayaa awood u leh inuu ansixiyo ama diido heshiisyada caalamiga ah ee ay Xukuumadda Federaalku gasho, gaar ahaan kuwa saameeya difaaca, nabadda, gobannimada iyo madaxabannaanida dalka, iyo kuwa la xiriira siyaasadda, dhaqaalaha, ganacsiga ama dalka ku keenaya waajibaad maaliyadeed. Xukuumaddu waa inay heshiiska caalamiga ah u gudbisaa Baarlamaanka Federaalka muddo aan ka badnayn 60 maalmood laga bilaabo taariikhda la saxiixay. Baarlamaankuna waa inuu heshiiska ansixiyaa ama diidaa muddo aan ka badnayn 120 maalmood. Heshiis caalami ah kama dhaqan geli karo gudaha Jamhuuriyadda Federaalka Soomaaliya haddii uusan Baarlamaanka Federaalku ansixin.
English

Not available.

Questions & Comments (0)