Dastuurka JFS (A Citizen’s Initiative)
Home Constitution Blog Authors
CUTUBKA 6: BAARLAMAANKA FEDERAALKA SOOMAALIYA
(CHAPTER 6: THE FEDERAL PARLIAMENT OF SOMALIA)
Madaxa Saddexaad: Awoodaha Labada Gole ee Baarlamaanka Federaalka
Somali (Original)

Qodobka 94aad: Awoodaha Wadaagga ah ee Goleyaasha Baarlamaanka Federaalka

Labada gole ee Baarlamaanka Federaalka waxay leeyihlin awoodaha wadaagga ah ee soo socda:

(1) Curinta, ansixinta, wax-kabeddelidda xeerarka ama diidmada hindise xeereed la horkeeno si waafaqsan habraaca xeerdejinta ee ku xusan Dastuurka;

(2) Wax-kabeddelka Dastuurka si waafaqsan habraaca wax-kabeddelka Dastuurka;

(3) Doorashada Madaxweynaha Jamhuuriyadda Federaalka Soomaaliya si waafaqsan habraaca ku xusan Qodobka 107aad ee Dastuurka;

(4) Eedaynta İyo maamuus kaxayuubinta Madaxweynaha Jamhuuriyadda Federaalka si waafaqsan habraaca ku xusan Qodobka 113aad ee Dastuurka;

(5) Ansixinta, diidmada ama ka bixidda heshiisyada xukuumaddu gashay ama heshlisyada caalamiga ah;

(6) Ansixinta magacaabista Guddoomiyaha Maxkamadda Sare, Guddoomiyaha Maxkamadda Dastuurka, Xeer-ilaaliyaha Guud ee Qaranka iyo xubnaha kale ee Golaha Sare ee Garsoorka;

(7) Ansixinta magacaabista Hantidhowraha Guud ee Jamhuuriyadda;

(8) Ansixinta guddiyada madaxabannaan ee qaranka;

(9) La xisaabtanka iyo korjoogtaynta hay'adaha Dawladda Federaalka, si loo xaqiijiyo dhaqangalka xeerarka Dawladda Federaalka Soomaaliya; iyo

(10) Ansixinta ama diidmada ku dhawaaqidda xaalad degdeg ah iyo mid dagaal si waafaqsan habraaca ku xusan Dastuurka.

English

No translation available yet in English.

Plain-Language Explanation

Somali
Golaha Shacabka iyo Golaha Aqalka Sare waxay leeyihiin awood ay si wadajir ah u gutaan. Labada gole waxay curin karaan, ansixin karaan, wax ka beddeli karaan ama diidi karaan hindise-sharciyeed la horgeeyo, iyagoo raacaya habraacyada sharci-dejinta ee Dastuurku dhigayo. Sidoo kale, waxay si wadajir ah wax uga beddeli karaan Dastuurka, iyagoo raacaya habraaca gaarka ah ee arrintaas loo dejiyey. Labada gole ayaa wadajir u doorta Madaxweynaha Jamhuuriyadda Federaalka Soomaaliya, waxayna qaadaan tallaabooyinka la xiriira eedaynta iyo xilka ka qaadista Madaxweynaha, iyadoo la raacayo habraacyada ku xusan Dastuurka. Waxay sidoo kale ansixin karaan, diidi karaan ama ka bixi karaan heshiisyada ay Xukuumaddu gasho iyo heshiisyada caalamiga ah. Waxay ansixiyaan magacaabista madaxda garsoorka iyo hay’adaha kale ee muhiimka ah, oo ay ka mid yihiin Guddoomiyaha Maxkamadda Sare, Guddoomiyaha Maxkamadda Dastuurka, Xeer-ilaaliyaha Guud ee Qaranka, xubnaha kale ee Golaha Sare ee Garsoorka iyo Hantidhowraha Guud ee Jamhuuriyadda. Waxa kale oo ay ansixiyaan guddiyada madaxabannaan ee qaranka. Labada gole waxay kormeeraan oo la xisaabtamaan hay’adaha Dowladda Federaalka si loo hubiyo in shuruucda dalka la fuliyo. Sidoo kale, waxay ansixin karaan ama diidi karaan ku dhawaaqista xaalad degdeg ah ama xaalad dagaal, iyadoo la raacayo habraaca Dastuurka.
English

Not available.

Questions & Comments (0)