Dastuurka JFS (A Citizen’s Initiative)
Home Constitution Blog Authors
CUTUBKA 6: BAARLAMAANKA FEDERAALKA SOOMAALIYA
(CHAPTER 6: THE FEDERAL PARLIAMENT OF SOMALIA)
Madaxa Labaad: Kalfadhiyada lyo Maamulka Baarlamaanka Federaalka
Somali (Original)

Qodobka 87aad: Doorashada Guddoonka Labada Gole ee Baarlamaanka Federaalka

(1) Golaha Shacabka İyo Golaha Aqalka Sare, kulammadooda koowaad, oo uu guddoominayo xildhibaanka ugu da'da weyn, gole kasta wuxuu gaarkiisa iska dhex dooranayaa guddoomiye iyo labo (2) kuxigeen.

(2) Guddoomiyaha iyo kuxigeennada gole kasta waxaa codayn qarsoodi ah ku dooranaya xubnaha golihiisa, iyada oo la raacayo habraaca soo socda: (a) Wareegga koowaad musharraxii hela aqlabiyad boqolkiiba konton iyo hal dheeri (50% + 1) ah tirada guud ee xubnaha golaha uu ka tirsanyahay ayaa guulaysanaya. Haddii la waayo musharrax guulaysta, waxaa loo gudbayaa wareeg labaad. (b) Wareegga labaad waxaa u soo gudbaya afarta musharrax ee ugu codka badan wareegga koowaad. Musharraxii hela cod aglabiyad boqolkiiba konton iyo hal dheeri (50%+1) ah tirada guud ee xubnaha golihiisa ayaa ku guuleysanaya doorashada. Haddii la waayo musharrax guulaysta waxaa loo gudbayaa wareeg saddexaad. (c) Wareegga saddexaad waxaa u soo gudbaya labada musharrax ee ugu codka badnaa wareeggii labaad, waxayna ku kala guulaysanayaan cod hal dheeri ah ee tirada guud ee xubnaha golaha.

English

No translation available yet in English.

Plain-Language Explanation

Somali
Kulanka ugu horreeya ee Golaha Shacabka iyo Golaha Aqalka Sare waxaa guddoominaya xildhibaanka ugu da’da weyn gol kasta. Inta kulankaas lagu jiro, gole kasta wuxuu xubnihiisa dhexdooda ka dooranayaa guddoomiye iyo laba guddoomiye ku-xigeen. Doorashada guddoomiyaha iyo ku-xigeennadiisa waxaa lagu qabtaa cod qarsoodi ah, waxaana go’aaminaya xubnaha golaha ay musharraxiintu ka tirsan yihiin. Wareegga koowaad, musharraxa hela in ka badan kala bar tirada guud ee xubnaha golaha, oo ah 50% iyo hal cod dheeraad ah, ayaa guulaysanaya. Haddii aan musharraxna helin tiradaas, waxaa la gelayaa wareegga labaad, kaas oo ay ka qaybgalayaan afarta musharrax ee ugu codka badan wareeggii koowaad. Musharraxa hela aqlabiyadda loo baahan yahay ayaa ku guulaysanaya doorashada. Haddii aan weli la helin musharrax guulaysta, waxaa la gelayaa wareegga saddexaad, oo ay ku tartamayaan labada musharrax ee ugu codka badan wareeggii labaad. Waxaa guulaysanaya musharraxa hela codadka ugu badan marka la barbar dhigo kan kale, iyadoo lagu salaynayo tirada guud ee xubnaha golaha.
English

Not available.

Questions & Comments (0)