(1) Shuruudaha xilka guddoomiyaha iyo kuxigeennadiisa waa: (a) In uu xubin ka yahay golaha uu ka sharraxanyahay; (b) In da'da musharraxa guddoonka labada gole aysan ka yaraan soddon iyo shan (35) sano; (c) In labadiisa waalid ay yihiin muwaaddiniin Jamhuuriyadda Federaalka Soomaaliya; (d) In uusan/aysan qabin xaas/nin ajnabi ah; (e) In musharraxa haysta jinsiyad dal kale uu caddeeyo ka noqoshada jinsiyaddaas haddii uu ku guulaysto guddoonka mid ka mid ah labada gole ee Baarlamaanka Federaalka; (f) In uu caddeeyo hantida uu leeyahay una gudbiyo hab goraal ah xafliska Hantidhowrka Guud ee Jamhuuriyadda Federaalka Soomaaliya; iyo (g) Shuruudaha kale ee ku xusan xeerarka kale ee Jamhuuriyadda Federaalka Soomaaliya.

(2) Guddoonku inta uusan qaban xilka xafliska guddoonka mid ka mid ah labada gole ee Baarlamaanka Federaalka waa in uu ka tanaasulo xil kasta oo rasmi ah oo uu ka hayo xisbi siyaasadeed, xilkiisana u guto si dhexdhexaad ah.