(1) Baarlamaanka Federaalka ee la doortay, fadhigiisa koowaad waa inuu ku qabsoomaa soddon (30) maalmood gudahood kaddib marka lagu dhawaago natiijada doorashada guud. Taariikhda fadiga la gabanayo waxaa goynaya Guddiga Madaxabannaan ee Doorashooyinka Qaranka iyo Soohdimaha.

(2) Baarlamaanka Federaalku wuxuu yeelanayaa sanadkiiba labo kalfadhi oo caadi ah, oo ugu yaraan midkiiba soconayo afar (4) bilood.

(3) Xeer hoosaadka wadajirka ah ee Baarlamaanka Federaalka ayaa lagu xaddidayaa waqtiyada iyo taariikhda kalfadhiyada caadiga ah ee labada gole iyo xilliyada fasaxa.

(4) Mid ka mid ah labada gole ee Baarlamaanka Federaalku wuxuu yeelan karaa fadhiyo aan caadi ahayn haddii: (a) Madaxweynaha Jamhuuriyadda Federaalku isugu yeero; (b) Guddoomiyaha goluhu isugu yeero; ama (c) Ay codsi qoraal ah ku weydiistaan ugu yaraan boqolkiiba soddon (30%) xubnaha gole walba ama xubnaha hal dawlad goboleed ee ku matalaya Golaha Aqalka Sare.

(5) Fadhiyada labada gole midkood waxaa shirguddoominaya: (a) Guddoomiyaha golaha; ama (b) Guddoomiye kuxigeenka koowaad marka uu maqanyahay guddoomiyaha golaha, ama (c) Guddoomiye kuxigeenka labaad ee golaha, haddii ay saddexdooduba maçanyihiin waxaa shirguddoominaya xubinta ku xusan xeer hoosaadka golaha.