(1) Xubin ka tirsan Baarlamaanka Federaalka dhibaato kama soo gaari karto fikradda ama codka uu ka hor dhiibto golaha iyo guddiyadiisa.

(2) Haddii aan laga haysan oggolaansho Golaha Shacabka ama Golaha Aqalka Sare, Xildhibaanka laguma oogi karo dacwad ciqaabeed; lama xiri karo lamana baari karo qof ahaan, hoygiisa ama meeshii kale oo u gaar ah, haddaan lagu gaban isagoo faraha kula jira faldembiyeed, sharci ahaan khasab ay tahay in la qabto.

(3) Dacwadaha aan cigaabta ahayn ee ka dhanka ah xildhibaanka waxaa la furi karaa iyada oo aan loo baahnayn oggolaanshaha golaha uu ka tirsanyahay.

(4) Gunnooyinka İyo daryeelka kale ee xaqa u leeyihiin xubnaha Baarlamaanka Federaalka Soomaaliya waxaa toos looga bixinayaa khasnadda dhexe ee dawladda.