Dastuurka JFS (A Citizen’s Initiative)
Home Constitution Blog Authors
CUTUBKA 5: NIDAAMKA FEDERAALKA IYO BAAHSANAANTA AWOODDA JAMHUURIYADDA FEDERAALKA SOOMAALIYA
(CHAPTER 5: THE FEDERAL SYSTEM AND DISTRIBUTION OF POWERS OF THE FEDERAL REPUBLIC OF SOMALIA)
Madaxa Koowaad: Qaabdhismeedka Dawladda
Somali (Original)

Qodobka 62aad: Dhismaha Dawlad Goboleedyada iyo Soohdimahooda

(1) Dhismaha dawlad goboleedka waxaa loo marayaa axkaamta ku xusan qodobkan iyadoo aan wax loo dhimayn dawlad goboleedyada jiray ka hor dhagangalka Dastuurkan.

(2) Golaha Aqalka Sare ee Baarlamaanka Federaalka Soomaaliya ayaa go'aan ka gaaraya oggolaanshaha dhismaha dawlad goboleedka ee Jamhuuriyadda Federaalka Soomaaliya.

(3) Marka ay dhismaan dawlad goboleedyada waxaa wax-kabeddel lagu samayn karaa oo keliya marka ay heshils ku wada gaaraan dhinacyda dawlad goboleeyada ay khuseyso. Haddii ay heshiin waayaan waxaa khilaafkooda lagu xallinayaa habraac maxkamadeed waxaana go'aan ka gaaraya Maxkamadda Dastuurka.

(4) Soohdimaha dawlad goboleed kasta waxay ku salaysnaanayaan soohdimihii gobollada dalka sidii ay u jireen 1991-kii.

(5) Dawlad goboleed waxaa ku midoobi kara laba gobol iyo wixii ka badan oo deris ah ayagoo xor u ah go'aankooda.

(6) Gobol gooni isu taagi kara dawlad goboleed ahaan ma jiro, Xukuumadda Federaalka Soomaaliya ayaana maamulaysa gobolkaas inta uu ku biirayo gobol ama dawlad goboleed kale.

English

No translation available yet in English.

Plain-Language Explanation

Somali
Dhismaha dowlad-goboleedyada cusub ee Soomaaliya waa inuu raacaa habraaca Dastuurka, iyadoo aan la waxyeellayn dowlad-goboleedyadii jiray ka hor inta Dastuurkani dhaqan gelin. Golaha Aqalka Sare ee Baarlamaanka Federaalka ayaa go’aaminaya oggolaanshaha dhismaha dowlad-goboleed cusub. Marka dowlad-goboleed la dhiso, wax ka beddelka dhismaheeda waa inuu ku yimaadaa heshiis ay wada gaaraan dhinacyada ay khusayso. Haddii ay heshiin waayaan, khilaafka waxaa loo gudbinayaa habraac maxkamadeed, waxaana go’aanka kama dambaysta ah gaaraya Maxkamadda Dastuurka. Xuduudaha dowlad-goboleedyada waxaa lagu salaynayaa xuduudihii gobollada Soomaaliya ee jiray sannadkii 1991. Laba gobol ama in ka badan oo deris ah ayaa si xor ah ugu midoobi kara dowlad-goboleed. Hase yeeshee, gobol keliya iskama dhisi karo dowlad-goboleed u gaar ah. Dowladda Federaalka ayaa maamulaysa gobolkaas ilaa uu ku biiro gobol kale ama dowlad-goboleed jira.
English

Not available.

Questions & Comments (0)