Dastuurka JFS (A Citizen’s Initiative)
Home Constitution Blog Authors
CUTUBKA 4: MATALAADDA SHACABKA
(CHAPTER 4: REPRESENTATION OF THE PEOPLE)
Madaxa Afaraad: Maamulka Doorashooyinka
(Part Four: Election Administration)
Somali (Original)

Qodobka 58aad: Shuruudaha Xubnaha Guddiga Madaxabannaan ee Doorashooyinka Qaranka iyo Soohdimaha

(1) Xubnaha Guddiga Madaxabannaan ee Doorashooyinka Qaranka iyo Soohdimaha waxaa ka mid noqon kara qof kasta oo buuxiya shuruudahan soo socda: (a) in uu yahay muwaaddin; da'diisuna ka yareyn soddon iyo shan (35) sano; (b) in uu leeyahay anshax iyo sumcad wanaagsan; (c) In uu haysto shahaado jaamacadeed oo la aqoonsanyahay; iyo (d) in uu leeyahay ugu yaraan toban (10) sano waaya-aragnimo maamul ama sharci.

(2) Xubinnimada guddiga looma magacaabi karo dadka soo socda: (a) Qof ka tirsan xisbi siyaasadeed; (b) Qof ay maxkamad ku ridday xukun kamadambays ah oo ay ciqaabtiisu gaarsiisan tahay shan (5) sano; (c) Qof kasta oo ka haya xil dawladeed hay'adaha dawladda ee heer federaal iyo heer dawlad gobaleed xilliga magacaabista ama lixdii bilood ee ka horreysay; iyo (d) Qof kasta oo ay ka mamnuucaan xeerarka Dawladda Federaalka.

English

No translation available yet in English.

Plain-Language Explanation

Somali
Qofka loo magacaabayo Guddiga Madaxabannaan ee Doorashooyinka Qaranka iyo Soohdimaha waa inuu yahay muwaaddin Soomaaliyeed oo ugu yaraan 35 sano jir ah, leh anshax iyo sumcad wanaagsan, haystana shahaado jaamacadeed oo la aqoonsan yahay. Sidoo kale, waa inuu leeyahay ugu yaraan 10 sano oo waayo-aragnimo ah oo dhinaca maamulka ama sharciga ah. Si loo ilaaliyo madax-bannaanida guddiga, xubinnimadiisa looma magacaabi karo qof ka tirsan xisbi siyaasadeed, qof ay maxkamad ku ridday xukun kama dambays ah oo ciqaabtiisu tahay shan sano ama ka badan, ama qof haya xil dowladeed oo heer federaal ama heer dowlad-goboleed ah waqtiga magacaabista ama hayay lixdii bilood ee ka horreysay. Sidoo kale, looma magacaabi karo qof kale oo sharciyada Dowladda Federaalka ka mamnuucayaan xubinnimada guddiga.
English

Not available.

Questions & Comments (0)