(1) Guddiga Madaxabannaan ee Doorashooyinka Qaranka iyo Soohdimaha waxaa xilkiisa iyo waajibaadkiisa ka mid ah: (a) in uu maamulo, la socdo, xaqiijiyo habsami-usocodka, xalaalnimada iyo hufnaanta, doorashooyinka heerarka kala duwan ee dawladda iyo in uu ku dhawaaqo natiijada doorashooyinka; (b) in uu si joogta ah u diiwaangeliyo codbixiyeyaasha doorashooyinka oo dhan; (c) in uu diyaariyo, abaabulo, fududeeyo, qabto heerarka kala duwan ee doorashooyinka guud; (d) in uu si joogta ah u diiwaangeliyo ururrada ama xisbiyada siyaasadeed iyo musharraxiinta doorashooyinka guud ee heerarka kala duwan; (e) in uu soohdimeeyo degaan doorashooyinka, si xilliyeysanna u asteeyo xarumaha codbixinta; (f) in uu dejiyo hab dhaqanka doorashooyinka ee musharraxiinta iyo xisbiyada siyaasadda; (g) in uu cayimo tirada iyo goobaha codbixinta ee dalka; (h) in uu diyaariyo, maamulana agabka doorashada iyo goobaha codbixinta; (i) in uu sameeyo daraasad iyo khariidado la xiriira astaynta soohdimaha deegannada, asagoo kaashanaya khuburro; ii) in uu u soojeediyo talooyin Baarlamaanka Federaalka Soomaaliya sidil loo soohdimeeyo xuduudaha degaannada, asagoo tixgelinaya xogta: dadka, dhulka, xaaladda siyaasadeed ivo kan dhaqan, si uu baarlamaanku go'aan uga gaaro arrimaha xuduudaha; iyo (k) in uu fuliyo hawl kasta ee kale oo la xiriirta arrimaha doorashooyinka lyo soohdimaha, oo ku xusan Dastuurka ama xeerarka Jamhuuriyadda Federaalka Soomaaliya.