Dastuurka JFS (A Citizen’s Initiative)
Home Constitution Blog Authors
CUTUBKA 4: MATALAADDA SHACABKA
(CHAPTER 4: REPRESENTATION OF THE PEOPLE)
Madaxa Labaad: Doorashooyinka
(Part Two: Elections)
Somali (Original)

Qodobka 51aad: Codbixiyaha

(1) Muwaaddin kasta oo buuxiyey shuruudaha xeerku tilmaamayo, gaarayna da'da siddeed İyo toban (18) sano wagtiga diiwaangelinta, wuxuu xaq u leeyahay in uu isdiwaangeliyo, si uu u codeeyo.

(2) Codbixiyeyaasha diiwaangashan waxay, si siman, xaq ugu wadaleeyihiin dhiibashada codkooda, waana in la ilaaliyo rabitaankooda iyo kalsoonidooda.

(3) Guddiga Madaxabannaan ee Doorashooyinka Qaranka İyo Soohdimaha wuxuu mas'uul ka yahay diiwaangelinta isagoo diyaarinaya diiwaanka codbixiyeyaasha Jamhuuriyadda Federaalka Soomaaliya.

(4) Dadka aan xaqa u lahayn diiwaangelintu waa: (a) Dadka aan dhimirkoodu dhammayn; iyo (b) Qof ay maxkamad awood u leh ku ridday xukun kamadambays ah oo la xiriira dembi doorasho shantii (5) sano ee la soo dhaafay ama maxkamaddaasi ay ka mamnuucdo xaqa codaynta, ama dembi uu galay awgeed xabsi uu ku jiro.

English

No translation available yet in English.

Plain-Language Explanation

Somali
Muwaaddin kasta oo buuxiya shuruudaha sharciga oo gaaray da’da 18 sano marka la diiwaangelinayo wuxuu xaq u leeyahay inuu isu diiwaangeliyo codbixiye. Codbixiyeyaasha diiwaangashan waxay xaq u leeyihiin inay si siman codkooda u dhiibtaan, waana in la ilaaliyo xorriyadda doorashadooda iyo kalsoonidooda. Guddiga Madax-bannaan ee Doorashooyinka Qaranka iyo Soohdimaha ayaa mas’uul ka ah diiwaangelinta codbixiyeyaasha iyo diyaarinta diiwaanka rasmiga ah ee codbixiyeyaasha Soomaaliya. Si kastaba ha ahaatee, qof kasta xaq uma laha inuu isdiiwaangeliyo. Waxaa ka reeban dadka aan awoodin inay si buuxda u adeegsadaan maskaxdooda, iyo qofka maxkamad awood u leh ay ku ridday xukun kama dambays ah oo la xiriira dembi doorasho shantii sano ee la soo dhaafay, ka mamnuucday codbixinta, ama ku xukuntay xabsi uu weli ku jiro dembi uu galay awgiis.
English

Not available.

Questions & Comments (0)