Dastuurka JFS (A Citizen’s Initiative)
Home Constitution Blog Authors
CUTUBKA 3: DHULKA, HANTIDA IYO DEEGAANKA
(CHAPTER 3: LAND, PROPERTY AND THE ENVIRONMENT)
Somali (Original)

Qodobka 44aad: Khayraadka Dabiiciga Ah

(1) Khayraadka dabiiciga ee Jamhuuriyadda Federaalka Soomaaliya waa hanti qaran waxaana looga faa'iideysanayaa qaab waara, oo badda iyo dhulkuba xammili karaan, oo aan wax u dhimayn shacabkana waxtar u leh.

(2) Waxaa xeer lagu dhisayaa hay'ado u xilsaaran maareynta milkiyadda iyo in khayraadka dabiiciga ah looga faa'iideysto si aan badda iyo berriga dhulka wax u dhimayn oo waxyeellana ka ilaalinaysa hantida dabiiciga ah, hay'adahaas oo ay ka mid yihiin balse aan ku koobnayn: (a) Hay'adda Macdanta; (b) Hay'adda Biyaha; (c) Hay'adda Betroolka; iyo (d) Hay'adda Ugaarta iyo Duurjoogta.

(3) Guddiga Qoondaynta iyo Wadaagga Dakhliga waa in uu sugaa in dakhliga ka vimaada hantida dabiiciga ah ay si caddaalad ah u wadaagaan Dawladda Federaalka, dawlad goboleedyada iyo dawladaha hoose ee Jamhuuriyadda Federaalka Soomaaliya.

English

No translation available yet in English.

Plain-Language Explanation

Somali
Khayraadka dabiiciga ah ee Soomaaliya, sida macdanta, biyaha, batroolka, dhirta iyo duurjoogta, waa hanti guud oo ay tahay in si masuuliyad leh looga faa’iidaysto. Isticmaalka khayraadkan waa inuu noqdaa mid waara, aan waxyeello u geysan dhulka iyo badda, isla markaana faa’iido u leh shacabka Soomaaliyeed. Waxaa la samaynayaa hay’ado sharci ahaan u xilsaaran maareynta iyo ilaalinta khayraadka dabiiciga ah, si looga hortago waxyeellada deegaanka iyo burburka khayraadka. Hay’adahaas waxaa ka mid noqonaya Hay’adda Macdanta, Hay’adda Biyaha, Hay’adda Batroolka iyo Hay’adda Ugaarta iyo Duurjoogta. Dakhliga ka soo baxa khayraadka dabiiciga ah waa in si caddaalad ah loogu qaybiyaa Dowladda Federaalka, dowlad-goboleedyada iyo dowladaha hoose. Guddiga Qoondaynta iyo Wadaagga Dakhliga ayaa mas’uul ka ah xaqiijinta qaybsigaas caddaaladda ah.
English

Not available.

Questions & Comments (0)