(1) Allaahu Subxaanahu wa Tacaalaa (5WT] ka sokow, dhulka Jamhuuriyadda Federaalka Soomaaliya waxaa wadajir u leh shacbiga Jamhuuriyadda Federaalka Soomaaliya.

(2) Dhulku waa khayraadka koowaad ee Soomaaliya iyo saldhigga nolosha dadka.

(3) Dhulka waxaa lagu haysan karaa, laguna sheegan karaa si waafagsan xeerarka dhaqangalka ka ah Jamhuuriyadda Federaalka Soomaaliya.

(4) Dhulka waxaa lagu haysan karaa, loo adeegsanayaa, loona maamulayaa si caddaalad ah oo u agaasiman waxsoosaarid u dhulku xammili karo, waxna u dhimayn, kana soo horjeedin xeerarka dhaqangalka ka ah dalka ivo danta guud.

(5) Xukuumadda Federaalku, iyadoo la tashaneysa dawalad goboleedyada iyo ciddii kale oo ay khuseyso, waxay dejineysaa siyaasadda dhulka qaran oo lagu horumarinayo maamulka dhulka si joogto ahna dib-u-eegis loogu sameeyo, si loo xagijiyo: (a) Dhawrista deegaaneed ee u nugul waxyeellada saameeya isudheellitirnaanta xiriirka deegaaneed iyo meelaha kale ay ku jirto dan guud; (b) Ilaalinta goobaha taariikhiga ah, iyadoo loo agoonsanayo in ay yihiin dhaxal taariikhi ah; (c) In loo simanyahay fursadaha helitaanka dhulka iyo ka faa'iideysiga khayraadkiisa; (d) In si sugan loo dammaanadqaado milkiyadda dhulka iyo diwaangelinta; (e) In si sugan loo xaqiljiyo in dhulka loo dheefsado si waafaqsan mabaadi'da xeerinaya isticmaalka dhulka iyadoo aan wax dhibaato ah loo geysan; (f) In xal degdeg ah oo mangal ah laga gaaro khilaafaadka ku saabsan dhuika iyo milkiyaddiisa; (g) In la xaddido inta uu la ekaan karo dhulka qof ama shirkad ay milkiyad ahaan u yeelan karto; iyo (h) In la nidaamiyo dhaqdhaqaaqa suuqa ka ganacsiga ee dhulka, si loo ilaaliyo xuquugda milkiilayaasha dhulalka yar leh.

(6) Dawlad goboleedyadu waxay dejinayaan siyaasad dhuleed oo heerkooda ah, oo aan ka hor imaanayn siyaasadda garan ee dhulka lyo xeerarka Dawladda Federaalka Soomaaliya.

(7) Baaxadda dhulka, muddada isticmaalka iyo shuruudaha lagu bixinayo fasaxa isticmaalka dhuika waxaa lagu soo saarayaa xeer, haseyeeshe, ma jiri karto gayb ka mid ah dhulka, badda ama hawada dalka Jamhuuriyadda Federaalka Soomaaliya oo loo bixin karo fasax isticmaal joogto ah.

(8) Dawladda Federaalka oo keliya ayaa u fasaxi karta qof ama hay'ad shisheeye isticmaalka ama heshis kiro ah ee dhul, bad ama meel ka mid ah geyiga Jamhuuriyadda, muddo aan ka badnayn midda xeer ku cayiman, waana haddii heshliskaas ay dan guud ku jirto, islamarkaasna aan dhib ku aheyn madaxbannaanida Jamhuuriyadda, una ansixiyo Baarlaamaanka Federaalka Soomaaliya.