Dastuurka JFS (A Citizen’s Initiative)
Home Constitution Blog Authors
CUTUBKA 2: XUQUUQDA AASAASIGA AH IYO WAAJIBAADKA MUWAADDINKA
(CHAPTER 2: FUNDAMENTAL RIGHTS AND DUTIES OF THE CITIZEN)
Madaxa Labaad: Xuquuqda, Xorriyaadka Aasaasiga ah ee Qofka iyo Xaddidaadooda
(Part Two: Fundamental Rights, Freedoms of the Individual and Their Limitations)
Somali (Original)

Qodobka 40aad: Fasiraadda Xuquuqda Aasaasiga ah

(1) Marka la fasirayo xuquuqda ku xusan cutubkan waa in maxkamad awood u leh ay raadiso qeexidda ujeeddooyinka laga leeyahay xuquuqda aasaasiga ah iyo qiyamka saldhigga u ah Dastuurkan.

(2) Marka ay fasirayso xuquuqahani waxay maxkamaddu tixgelineysaa Shareecada Islaamka, qaanuunka dawliga ah, dhaqanka suubban ee Soomaaliyeed iyo mabaadi'da iyo halbeegyada fasiraadda xeerarka ee caalamiga ah, ilaa iyo inta fasiraaddaas aysan ka hor imaanayn Dastuurka iyo qiyamka saldhigga u ah.

(3) Aqoonsiga xuquuqda aasaasiga ah ee ku xusan cutubkan kama hor imaaan karaan xuquuqda kale ee Shareecada Islaamku aqoonsatay.

English

No translation available yet in English.

Plain-Language Explanation

Somali
Marka maxkamaddu fasirayso xuquuqaha aasaasiga ah ee ku xusan cutubkan, waa inay eegtaa ujeeddada xuquuqdaas iyo qiyamka uu Dastuurku ku dhisan yahay. Maxkamaddu waxay sidoo kale tixgelinaysaa Shareecada Islaamka, sharciga caalamiga ah, dhaqanka wanaagsan ee Soomaaliyeed iyo mabaadi’da caalamiga ah ee lagu fasirayo sharciyada, haddii aysan arrimahaasi ka hor imaanayn Dastuurka iyo qiyamkiisa aasaasiga ah. Xuquuqaha ku xusan cutubkan looma fasiri karo si ay uga hor yimaadaan xuquuqaha kale ee ay Shareecada Islaamku aqoonsan tahay.
English

Not available.

Questions & Comments (0)