Dastuurka JFS (A Citizen’s Initiative)
Home Constitution Blog Authors
CUTUBKA 2: XUQUUQDA AASAASIGA AH IYO WAAJIBAADKA MUWAADDINKA
(CHAPTER 2: FUNDAMENTAL RIGHTS AND DUTIES OF THE CITIZEN)
Madaxa Labaad: Xuquuqda, Xorriyaadka Aasaasiga ah ee Qofka iyo Xaddidaadooda
(Part Two: Fundamental Rights, Freedoms of the Individual and Their Limitations)
Somali (Original)

Qodobka 39aad: Dib-uxaqsooridda La Xiriirta Xadgudubyada Xuquuqda Aadanaha

(1) Qof kasta waxuu xaq u leeyahay magdhow haddii lagu xadgudbo xuquuqdiisa aasaasiga ah, waxaana go'aan ka gaaraya dacwaddiisa maxkamad awood u leh.

(2) Qof ama urur wuu u dacwoon karaa maxkamad awood u leh, si ay u difaacaan xuquuqda aasaasiga ah ee dadka kale leeyihiin oo aan awoodin in ay iskood isu difaacaan.

(3) Ma laha waqti xaddidan furidda oogidda galdacwadeedka la xiriira gabboodfallada xuquuqda aadanaha, dembiyada dagaalka iyo dembiyada lidka ku ah bini'aadannimada oo ay xeeriyeen xeerarka Jamhuuriyadda Federaalka Soomaaliya ama heshiisyada caalamiga ah, oo ay Soomaaliya qayb ka tahay.

(4) Dacwadaha ku xusan faqradda 3aad ee qodobkan waxaa qaadi kara maxkamad awood u leh, gabboodfalladaasna lama siin karo gabbaad nooc kasta oo uu yahay, lamana cafin karo haddii uusan Dastuurku si kale u dhigin.

(5) Dawladdu waxay qaadaysaa tallaabooyin caddaaladeed, garsooreed, maamuleed, tacliimeed iyo tallaabo kasta oo kale, oo ay uga hortageyso, ku ciqaabmarineyso ama ugu dib garnaqayso si ay u saxdo cid kasta oo dhibaato geysatay maqaam kasta oo ay leeyihiiin.

(6) Xeer uu ansixiyo Baarlamaanka Federaalka Soomaaliya ayaa nidaaminaya dib-uxaqsooridda xadgudubyada xuquuqda aasaasiga ah.

English

No translation available yet in English.

Plain-Language Explanation

Somali
Qof kasta wuxuu xaq u leeyahay magdhow haddii xuquuqdiisa aasaasiga ah lagu xadgudbo, waxaana arrintaas go’aamin karta maxkamadda awoodda u leh. Qof ama urur sidoo kale wuxuu maxkamad uga dacwoon karaa si uu u difaaco xuquuqda qof kale oo aan awoodin inuu iskiis isu difaaco. Dacwadaha la xiriira xadgudubyada xuquuqda aadanaha, dambiyada dagaalka iyo dambiyada ka dhanka ah bani’aadannimada ma laha waqti ay ku dhacayaan, haddii ay sidaas dhigayaan sharciyada Soomaaliya ama heshiisyada caalamiga ah ee Soomaaliya qayb ka tahay. Dambiyadaas waxaa qaadi karta maxkamad awood u leh, lamana siin karo cidda geysatay cafis ama gabbaad, haddii uusan Dastuurku si kale u oggolaan. Dowladdu waa inay qaaddaa tallaabooyin sharci, garsoor, maamul, waxbarasho iyo kuwo kale si looga hortago xadgudubyada, loo ciqaabo dadka geysta, loona saxo dhibaatada ay geysteen. Baarlamaanka Federaalka ayaa soo saaraya sharci nidaaminaya sida loo helo caddaalad iyo magdhow marka xuquuqda aasaasiga ah lagu xadgudbo.
English

Not available.

Questions & Comments (0)