Dastuurka JFS (A Citizen’s Initiative)
Home Constitution Blog Authors
CUTUBKA 2: XUQUUQDA AASAASIGA AH IYO WAAJIBAADKA MUWAADDINKA
(CHAPTER 2: FUNDAMENTAL RIGHTS AND DUTIES OF THE CITIZEN)
Madaxa Labaad: Xuquuqda, Xorriyaadka Aasaasiga ah ee Qofka iyo Xaddidaadooda
(Part Two: Fundamental Rights, Freedoms of the Individual and Their Limitations)
Somali (Original)

Qodobka 36aad: Isucelinta Eedaysanayaasha iyo Dembiilayaasha

(1) Isucelinta eedaysanayaasha iyo dembiilayaasha waxaa lagu oggolaan karaa oo keliya si waafaqsan xeerka iyo in uu jiro heshiis isucelin ah, oo ay Jamhuuriyadda Federaalka Soomaaliya dhinac ka tahay ama heshiis caalami ah oo ku waajibinaya Dawladda Federaalka Soomaaliya celinta eedaysanaha ama dembiilaha.

(2) Muwaaddinka Soomaaliyeed looma gacangelin karo dal shisheeye.

(3) Jamhuuriyadda Federaalka Soomaaliya waxay horumarinaysaa iskaashiga garsoor ee caalamiga ah.

(4) Baarlamaanka Federaalka ayaa soo saaraya xeer ku saabsan isucelinta eedaysanayaasha iyo dembiilayaasha iyo iskaalmaysiga sharciyeed ee arrimaha dembiyada.

English

No translation available yet in English.

Plain-Language Explanation

Somali
Eedaysanaha ama dembiilaha waxaa dal kale loo celin karaa oo keliya haddii uu jiro sharci iyo heshiis rasmi ah oo Soomaaliya qayb ka tahay, ama heshiis caalami ah oo Soomaaliya ku waajibinaya in qofkaas la celiyo. Muwaaddin Soomaaliyeed looma dhiibi karo dal shisheeye. Soomaaliya waxay sidoo kale taageeraysaa iskaashiga garsoorka ee dalalka kale, gaar ahaan arrimaha la xiriira dambiyada. Baarlamaanka Federaalkuna wuxuu soo saaraya sharci qeexaya sida loo maareynayo celinta eedaysanayaasha iyo dembiilayaasha iyo iskaashiga sharci ee arrimaha dembiyada.
English

Not available.

Questions & Comments (0)