Dastuurka JFS (A Citizen’s Initiative)
Home Constitution Blog Authors
CUTUBKA 2: XUQUUQDA AASAASIGA AH IYO WAAJIBAADKA MUWAADDINKA
(CHAPTER 2: FUNDAMENTAL RIGHTS AND DUTIES OF THE CITIZEN)
Madaxa Labaad: Xuquuqda, Xorriyaadka Aasaasiga ah ee Qofka iyo Xaddidaadooda
(Part Two: Fundamental Rights, Freedoms of the Individual and Their Limitations)
Somali (Original)

Qodobka 27aad: Daryeelka Qoyska

(1) Guurku waa aasaaska qoyska oo ah saldhigga bulshada, ilaalintiisuna waa waajib sharci ah oo saaran dawladda.

(2) Qof kasta oo qaangaar ah wuxuu xaq u leeyahay in uu guursado uuna yeesho qoys ku yimid rabitaankiisa iyo rabitaankeeda, si waafaqsan Shareecada Islaamka iyo xeerarka Jamhuuriyadda Federaalka Soomaaliya.

(3) Daryeelka hooyada iyo dhallaanku waa waajib qaran oo saaran dawladda.

(4) Ubadku wuxuu waalidkiis xaq ugu leeyahay xannaano ay ka mid tahay waxbarasho iyo barbaarin toosan. Haddiise xannaanadaas uu ka waayo qoyskiisa, xigtadiisa, ama uu yahay ubad dayacan, dawladda ayaa kafaalaqaadaysa xuquuqdaas.

(5) Waalidka aan iskiis isugu filnayn wuxuu ubadkiisa qaangaarka ah xaq ugu leeyahay in uu ka helo daryeel, waalidiinta aan daryeel ka helin ubadkooda qaangaarka ah ama xigtadooda, waxaa daryeelkooda kafaalaqaadaya dawladda.

(6) Xeer uu ansixiyo Baarlamaanka Federaalka Soomaaliya ayaa nidaaminaya arrimaha qoyska.

English

No translation available yet in English.

Plain-Language Explanation

Somali
Guurku waa aasaaska qoyska, qoyskuna waa saldhigga bulshada, sidaas darteed dowladdu waa inay ilaalisaa qoyska. Qof kasta oo qaangaar ah wuxuu xaq u leeyahay inuu guursado oo uu dhisto qoys uu isagu ama iyadu doorto, iyadoo la raacayo Shareecada Islaamka iyo sharciyada Soomaaliya. Dowladda waxaa waajib ku ah inay ilaaliso oo daryeesho hooyooyinka iyo carruurta. Carruurtu waxay xaq u leeyihiin in waalidkood ama qoyskoodu si wanaagsan u daryeelo, wax u baro oo u barbaariyo. Haddii ilmuhu waayo daryeelka qoyskiisa ama uu noqdo ilmo dayacan, dowladda ayaa mas’uul ka noqonaysa ilaalintiisa iyo daryeelkiisa. Waalidiinta aan awoodin inay naftooda daryeelaan waxay xaq u leeyihiin daryeelka carruurtooda qaangaarka ah, haddii aysan helinna dowladda ayaa daryeelkooda qaadaysa. Arrimaha qoyska waxaa nidaaminaya sharci uu Baarlamaanka Federaalku ansixiyo.
English

Not available.

Questions & Comments (0)