Dastuurka JFS (A Citizen’s Initiative)
Home Constitution Blog Authors
CUTUBKA 15: QODOBBADA KAMADAMBAYSTA AH IYO KUWA KUMEELGAARKA AH
(CHAPTER 15: FINAL AND TRANSITIONAL PROVISIONS)
Somali (Original)

Qodobka 193aad: Guddiga Madaxabannaan ee Dib-u-eegista iyo Hirgelinta Dastuurka

(1) Guddiga Madaxabannaan ee Dib-u-eegista iyo Hirgelinta Dastuurka waxaa uu ka koobanyahay shan (5) xubnood, iyo min hal (1) ergay oo ay soo magacaabayaan dawlad goboleedyada iyo Caasimadda Jamhuuriyadda.

(2) Xubnaha guddiga waa in buuxiyaan shuruudaha ku xusan Qodobka 58aad faqradda 1aad ee Dastuurka.

(3) Shanta (5) xubnood oo uu ku jiro guddoomiyaha guddiga waxaa soojeedinaya golaha wasiirrada, Madaxweynaha Jamhuuriyadda ayaana ku meelmarinaya xeer madaxweyne kaddib ansixinta Baarlamaanka Federaalka.

(4) Guddiga Madaxabannaan ee Dib-u-eegista iyo Hirgelinta Dastuurka waxa uu qabanayaa hawlaha soo socda: (a) Diyaarinta soojeedimaha wax-kabeddelka Dastuurka haddii loo baahdo, ka hor aftida dadweynaha ee Dastuurka; (b) Isku dubbarididda hirgelinta Dastuurkan; (c) Taageeridda dib-uhabaynta xeerarka ku xusan Dastuurkan. (d) Taageeridda waafajinta dastuurrada dawlad goboleedyada ee Dastuurka Federaalka; (e) Diyaarinta warbixinno dadweyne oo saddex biloodle ah oo ku saabsan horumarka hirgelinta; iyo (f) Hawlaha kale oo ay u xilsaaraan Dastuurka iyo xeerarka dalka.

English

No translation available yet in English.

Plain-Language Explanation

Somali
Guddiga Madaxabannaan ee Dib-u-eegista iyo Hirgelinta Dastuurka wuxuu ka koobnaanayaa shan xubnood iyo hal ergay oo ay soo magacaabayaan dowlad-goboleed kasta iyo Caasimadda Jamhuuriyadda. Dhammaan xubnaha guddigu waa inay buuxiyaan shuruudaha ku xusan Qodobka 58aad, faqraddiisa koowaad. Shanta xubnood, oo uu ku jiro guddoomiyaha guddiga, waxaa soo jeedinaya Golaha Wasiirrada, waxaana Madaxweynaha Jamhuuriyadda ku magacaabayaa xeer madaxweyne kaddib marka Baarlamaanka Federaalku ansixiyo. Guddigu wuxuu mas’uul ka yahay diyaarinta soo jeedimaha wax-ka-beddelka Dastuurka haddii loo baahdo, ka hor aftida dadweynaha, isku dubbaridka hirgelinta Dastuurka iyo taageeridda dib-u-habaynta sharciyada si ay ula jaanqaadaan Dastuurka. Waxa kale oo uu dowlad-goboleedyada ka taageerayaa waafajinta dastuurradooda Dastuurka Federaalka, wuxuuna saddexdii biloodba mar shacabka la wadaagayaa warbixin ku saabsan horumarka hirgelinta Dastuurka. Waxa kale oo uu qabanayaa hawlaha kale ee Dastuurka iyo sharciyada dalku u xilsaaran yihiin.
English

Not available.

Questions & Comments (0)