Dastuurka JFS (A Citizen’s Initiative)
Home Constitution Blog Authors
CUTUBKA 14: DIFAACA IYO AMNIGA QARANKA
(CHAPTER 14: NATIONAL DEFENCE AND SECURITY)
Somali (Original)

Qodobka 184aad: Hay’adda Sirdoonka iyo Nabadsugidda Qaranka

(1) Dastuurkan wuxuu dhisay Hay’adda Sirdoonka iyo Nabadsugidda Qaranka oo ka hawlgaleysa gudaha iyo dibedda dalka, si waafaqsan Dastuurka iyo xeerarka dalka.

(2) Hay’adda Sirdoonka iyo Nabadsugidda Qaranka waxay u xilsaarantahay: (a) Uruurinta, gorfaynta iyo kaydinta xogaha sirdoon iyo xuuraanka ee lagu xaqiijinayo laguna xoojinayo sugidda amniga qaranka; (b) Siinta hay’adaha dawladda, hay’adaha caalamiga ah iyo kuwa gaarka loo leeyahay; xogaha sirdoon iyo talooyinka lamahuraanka u ah ee khuseeya ka hortagga khataraha amniga iyo dembiyada abaabulan; (c) Ka hortagga iyo dabagalka ururrada argagixisada, dhaqdhaqaaqyada iyo xaaladaha taabanaya amniga qaranka ee laga wado dalka gudihiisa iyo dibeddiisa; iyo (d) Xilalka kale ee lagu qeexay xeerarka Dalka.

(3) Xeer Baarlamaanka Federaalka uu ansixiyo ayaa lagu qeexayaa qaabdhismeedka iyo hawlaha Hay’adda Sirdoonka iyo Nabadsugidda Qaranka.

English

No translation available yet in English.

Plain-Language Explanation

Somali
Hay’adda Sirdoonka iyo Nabadsugidda Qaranka waxay ka hawlgashaa gudaha iyo dibadda dalka, iyadoo raacaysa Dastuurka iyo sharciyada dalka. Waxay mas’uul ka tahay uruurinta, falanqaynta iyo kaydinta xogaha sirdoonka ee lagama maarmaanka u ah sugidda amniga qaranka. Sidoo kale, waxay hay’adaha dowladda, kuwa caalamiga ah iyo kuwa gaarka loo leeyahay siisaa xog iyo talooyin ka caawinaya ka hortagga khataraha amniga iyo dembiyada abaabulan. Hay’addu waxay sidoo kale ka hortagtaa oo dabagal ku samaysaa ururrada argagixisada iyo dhaqdhaqaaqyada ama xaaladaha khatar ku ah amniga qaranka, kuwaas oo ka dhaca gudaha ama dibadda dalka. Waajibaadkeeda kale, qaabdhismeedkeeda iyo habka ay u shaqayso waxaa lagu qeexayaa sharci uu ansixiyo Baarlamaanka Federaalka Soomaaliya.
English

Not available.

Questions & Comments (0)