Dastuurka JFS (A Citizen’s Initiative)
Home Constitution Blog Authors
CUTUBKA 13: NIDAAMKA MAALIYADDA GUUD
(CHAPTER 13: FISCAL FEDERALISM)
Somali (Original)

Qodobka 170aad: Guddiga Qoondaynta iyo Wadaagga Dakhliga

(1) Waxaa la dhisayaa Guddiga Qoondaynta iyo Wadaagga Dakhliga uu ku jiro khayraadka dabiiciga ah, oo ah hay’ad dastuuri ah oo madaxbannaan, mas’uulna ka ah dejinta qaaciddada qaybinta dakhliga qaranka iyo kormeerka fulinteeda.

(2) Guddigu wuxuu ku shaqaynayaa mabaadi’da hoos ku xusan: (a) Qoondayn ku saleysan qaaciddo cilmiyeed iyo sinnaanta maaliyadeed; (b) Baahida adeegyada dadweynaha; (c) Horumarinta isku dheellitiran; (d) Xasilloonida dhaqaalaha guud; iyo (e) Waajibaadyada maaliyadeed ee saaran qaranka.

(3) Talooyinka guddiga waxa ay dhaqangal noqonayaan kaddib markii uu Baarlamaanka Federaalku ansixiyo.

(4) Qaabdhismeedka, waajibaadka, tirada xubnaha, hawlaha, xubinnimada, habraaca dejinta qaacidda qoondaynta iyo habraaca shaqada ee guddiga waxaa lagu faahfaahinayaa xeer gaar ah oo uu ansixiyo Baarlamaanka Federaalka Soomaaliya.

English

No translation available yet in English.

Plain-Language Explanation

Somali
Waxaa la dhisayaa Guddiga Qoondaynta iyo Wadaagga Dakhliga, oo ay ku jiraan dakhliga ka yimaada khayraadka dabiiciga ah. Guddigu waa hay’ad dastuuri ah oo madaxabannaan, waxaana loo xilsaarayaa dejinta qaaciddo lagu qaybiyo dakhliga qaranka iyo kormeerka sida loo fulinayo qaybintaas. Marka uu shaqaynayo, Guddigu waa inuu tixgeliyaa sinnaanta maaliyadeed, baahida adeegyada dadweynaha, horumarinta isku dheellitiran, xasilloonida dhaqaalaha guud iyo waajibaadka maaliyadeed ee qaranka. Talooyinka Guddigu waxay dhaqan gelayaan marka uu Baarlamaanka Federaalku ansixiyo. Qaabdhismeedka, tirada xubnaha, xubinnimada, waajibaadka, hawlaha iyo habraaca shaqada Guddiga, oo ay ku jirto sida loo dejinayo qaacidda qaybinta dakhliga, waxaa lagu faahfaahinayaa sharci gaar ah oo uu ansixiyo Baarlamaanka Federaalka Soomaaliya.
English

Not available.

Questions & Comments (0)