Qodobka 128aad: Habka Dacwad Qaadista Maxkamadaha
(1) Maxkamadaha waxaa u dacwoon kara qof kasta iyada oo aan loo eegin xaaladda dhaqaalahiisa, jirkiisa, qofnimadiisa, lab iyo dhedig kuu yahay, diintiisa, maqaamkisa ama duruufihiisa gaarka ah ee kale.
(2) Dacwad qaadistu way u furantahay dhegeysiga dadweynaha, haseyeeshee maxkamaduhu waxay go'aansan karaan in dhageysiga dacwaddu noqoto mid albaabada u xiranyihiin sababaha soo socda midkood: (a) Sababo la xiriira nabadgelyada qaranka ama maslaxadda guud; (b) Sababo la xiriira anshax wanaagga iyo bedqabka; (c) Badbaadinta markhaatiga; (d) Dacwado khuseeya dhallaan; (e) Dacwad la xiriirta tacaddiyada haweenka; ama (f) Xaaladaha aan caadiga ahayn ee ay dhegeysiga furan ee maxkamaddu wax u dhimayso caddaaladda, kaddib marka uu qiimeeyo garsooraha dacwadda qaadaya.
(3) Go'aan maxkamadeed lama gaari karo haddii aan la siinin dhinacyada fursado isku mid ah oo ay ku soo bandhigaan doodahooda.
(4) Go'aanka maxkamadda waa in la soo saaraa oo aan la daahin haddii aysan jirin sababo maangal ah.
(5) Go'aan kasta oo maxkamadeed waa in uu ku qotomo asbaab xeereed oo maangal ah, laguna bixiyaa qoraal.
(6) Go'aanka maxkamadda waa in la ogeysiiyaa dhinacyada, lana shaaciyaa isla markaana la kaydiyaa.
(7) Go'aan kasta oo maxkamadeed waa in uu tilmaamaa inay jirto fursad rafcaan qaadasho, marka laga reebo xaaladaha xeerku si kale u sheegay.
No translation available yet in English.
Plain-Language Explanation
Not available.
