(1) Xilka Madaxweynaha Jamhuuriyadda Federaalka Soomaaliya waxaa loo dooran karaa qof kasta oo buuxiya shuruudaha soo socda: (a) Muwaaddin Jamhuuriyadda Federaalka Soomaaliya oo Muslim ah; (b) Labadiisa waalid ay yihiin muwaaddiniin Jamhuuriyadda Federaalka Soomaaliya; (c) Da'diisu aanay ka yarayn afartan (40) sano maalinta doorashada; (d) Aqoontiisa ay gaarsiisantahay heer jaamacadeed oo la aqoonsanyahay iyo waaya-aragnimo hoggaamineed oo aan ka yarayn shan iyo toban (15) sano; (e) Dhimirkiisu dhanyahay, horayna aan dhakhtar si rasmi ah ugu caddayn xanuun dhimirka ah; (f) Gelin faldembiyeed culus oo ay maxkamad awood u leh ugu xukuntay xukun si kamadambays ah; (g) In uu ku noolaa/degganaa Jamhuuriyadda Federaalka Soomaaliya muddo aan ka yarayn shan (5) sano; (h) Qabin xaas ajnabi ah; (i) In lagu yaqaan dhaqan suubban bulshada dhaxdeeda; (j) In aan horay loogu samayn maamuus kaxayuubin jagada madaxweynennimo; (k) In musharraxa haysta jinsiyad dal kale uu caddeeyo ka noqoshada jinsiyaddaas haddii uu ku guulaysto xilka Madaxweynaha Jamhuuriyadda Federaalka Soomaaliya; İyo (I) In uu caddeeyo hantida uu leeyahay uguna gudbiyo hab qoraal ah Xafliska Hantidhowraha Guud ee Jamhuuriyadda Federaalka Soomaaliya.

(2) Musharraxa madaxweynaha waxaa soo gudbinaya xisbi siyaasadeed ama isbahaysi xisbiyo siyaasadeed.