(1) Xeer kasta oo uu ansixiyo Baarlamaanka Federaalku waa in Madaxweynaha Jamhuuriyadda Federaalka Soomaaliya ku saxiixaa ama ku diidaa muddo soddon (30) maalmood gudahood ah, oo ka billaabanaysa maalinta loo gudbiyo.

(2) Madaxweynuhu haddii uu saxlixi waayo xeerka Baarlamaanku ansixiyay, waa inuu ku soo celiyaa golihii u soo gudbiyay xeerka muddada ku xusan fagradda laad ee qodobkan, asagoo sababaynaya.

(3) Madaxweynaha Jamhuuriyadda Federaalka Soomaaliya haddii uu ku saxiixi waayo xeerka ama ku soo celinwaayo muddo soddon (30) maalmood gudahood ah golihii u soo gudbiyay sabab la'aan, xeerku wuxuu noqonayaa mid dhaqangal ah laguna soo saaro Faafinta Rasmiga ah ee Jamhuuriyadda.

(4) Madaxweynaha Jamhuuriyadda Federaalka Soomaaliya haddii uu soo celiyo xeerka si waafaqsan faqradda Zaad ee qodobkan, gole kasta ee Baarlamaanka Federaalka ah wuxuu ku oggolaan karaa soojeedinta Madaxweynaha aglabiyad boqolkiiba konton iyo hal dheeri (50%+1) ah ama wuxuu ku diidi karaa aqlabiyad saddex meelood labo meel (2/3) tirada guud ee xubnaha golahaas. Markaas, waa in Madaxweynuhu muddo shan iyo toban (15) maalmood gudahood ah ku saxiixaa hindise xeereedkaas. Haddiise uu Madaxweynuhu ku guuldarraysto inuu ku saxiixo muddadaas, xeerku wuxuu isla markiiba noqonayaa mid dhaqangal ah waxaana lagu soo saarayaa Faafinta Rasmiga ah.

(5) Garyaqaanka Guud ee Dawladda waa in uu min hal nuqul oo asal ah Madaxweynuhuna saxiixay u diraa xoghayeyaasha labada gole si ay u hubiyaan in nuqalka loo dirayo Faafinta Rasmiga ah uu la mid yahay nuqulkii asalka ahaa oo goluhu ansixiyay una diray Xafiiska Madaxweynaha.

(6) Xeer kasta uu Madaxweynaha saxiixo si waafaqsan Dastuurka, laguna soo saaro Faafinta Rasmiga ah ee Jamhuuriyadda, wuxuu dhaqangal noqonayaa shan iyo toban (15) maalmood kaddib oo laga billaabo maalinta xeerka lagu soo saaray Faafinta Rasmiga ah ee jamhuuriyadda, haddii uusan xeerkaas si kale u sheegin.