(1) Xubin kasta, oo ka mid ah goleyaasha Baarlamaanka Federaalka marka ay waajibaadkeeda gudaneyso waa in ay ku shaqaysaa sida ay ku jirto danta ummadda iyo qaranka Soomaaliyeed.

(2) Xubin kasta, oo ka mid ah Golaha Shacabka, iyadoo gudanaysa waajibaadkeeda si waafaqsan faqradda 1aad ee qodobkan, waxaa xil gaar ah ka saaranyahay matalaadda dhammaan muwaaddiniinta oo idil, gaar ahaan degaanka laga soo doortay iyada oo aan loo eegin siyaasadda uu raacsanyahay iyo xisbiga uu ka tirsanyahay midna.

(3) Xubin kasta oo ka mid ah Golaha Aqalka Sare ee Baarlamaanka Federaalka waxaa xil gaar ah ka saaranyahay matalaadda danaha dawlad goboleedka ay matalayso iyo in ay ilaaliso nidaamka federaalka, iyada oo ahmiyad sare sineysa iskaashiga ka dhaxeeya dawlad goboleedyada dhexdooda iyo dawlad goboleedyada iyo Dawladda Federaalka, kuna shaqeyneysa dareen qarannimo.