Qodobka 176aad: Maamulka Bankiga Dhexe
(1) Waxaa jiraya Guddiga Maamulka Bankiga Dhexe oo ka kooban: (a) Guddoomiyaha bankiga dhexe oo ah guddoomiyaha guddiga; (b) Guddoomiye kuxigeenka bankiga dhexe oo noqonaya guddoomiye kuxigeenka guddiga; iyo (c) Shan (5) xubnood oo madaxbannaan oo khubaro ku ah dhaqaalaha, maaliyadda, qaanuunka ama maamulka.
(2) Guddoomiyaha iyo guddoomiye kuxigeenka bankiga dhexe iyo shanta (5) xubnood ee ka mid noqonaya guddiga maamulka bankiga dhexe waxaa soojeedinaya golaha wasiirrada, waxaana xeer madaxweyne ku meelmarinaya Madaxweynaha Jamhuuriyadda Federaalka Soomaaliya.
(3) Qofka loo magacaabayo xilka guddoomiyaha Bankiga Dhexe waa inuu leeyahay khibrad iyo aqoon qotodheer oo dhanka maaliyadda, dhaqaalaha ama sharciga, kuna sifoobo hufnaan, daacadnimo iyo sumcadwanaag.
(4) Muddada xilhaynta xubnaha maamulka Bankiga Dhexe waxa ay noqonaysaa shan (5) sano, oo hal mar la cusboonaysiin karo.
(5) Guddoomiyaha Bankiga Dhexe xilka lagama qaadi karo inta lagu gudajiro muddoxilleedkiisa marka laga reebo xaaladaha soo socda oo keliya: (a) Ku xadgudub Dastuurka ama xeerarka dalka; (b) Lagu caddeeyo fal musuqmaasuq; (c) Ku sifoobo waxqabadxumo daran iyo ku guuldarreysiga fulinta waajibaadkiisa; iyo (d) Xilgudusho la’aan joogto sababo caafimaad darteed.
(6) Habraaca xilkaqaadista maamulka Bankiga Dhexe waxaa loo marayaa isla habraacii lagu magacaabay.
No translation available yet in English.
Plain-Language Explanation
Not available.
