Qodobka 145aad: Xubnaha Golaha Sare ee Garsoorka
(1) Golaha Sare ee Garsoorka wuxuu ka koobanyahay xubnaha soo socda: (a) Guddoomiyaha Maxkamadda Sare; (b) Guddoomiyaha Maxkamadda Dastuurka; (c) Xeer-Ilaaliyaha Guud ee Qaranka; (d) Guddoomiyeyaasha maxkamadaha kore ee dawlad goboleedyada iyo Maamulka Caasimadda Jamhuuriyadda; (e) Guddoomiyaha Guddiga Madaxabannaan ee Xuquuqda Aadanaha; (f) Laba (2) qareen sare oo ka imaanaya Ururka Qareennada Soomaaliyeed, xilkana haynaya muddo shan (5) sano ah, oo ay soojeedinayso wasaaradda ay khuseyso, golaha wasiirraduna uu ansixiyo; iyo (g) Laba (2) xubnood oo ku xeeldheer xeerarka oo haysta shahaado jaamacadeed oo qaanuunka ah, lehna khibrad muddo aan ka yarayn toban (10) sano, xilkana haynaya muddo shan (5) sano ah, oo ay soojeedinayso wasaaradda ay khuseyso, Golaha wasiirraduna ansixiyo.
(2) Xubnaha ku xusan xarfaha (f) iyo (g) faqradda 1aad ee qodobkan waxaa magacaabistooda meelmarinaya Madaxweynaha Jamhuuriyadda Federaalka Soomaaliya, kaddib ansixinta labada gole ee baarlamaanka.
(3) Guddoomiyaha Maxkamadda Sare ee Federaalka ayaa ah Guddoomiyaha Golaha Sare ee Garsoorka, Guddoomiyaha Maxkamadda Dastuurka ayaa ah kuxigeenka Guddoomiyaha Golaha Sare ee Garsoorka, haddii kuxigeenku maqanyahay, waxaa kuxigeen noqonaya Xeer-ilaaliyha Guud ee Qaranka.
(4) Si waafaqsan Dastuurka Federaalka iyo Xeerarka, Golaha Sare Garsoorka wuxuu samaysanayaa xeer hoosaad.
No translation available yet in English.
Plain-Language Explanation
Not available.
