Qodobka 126aad: Mabaadi'da Garsoorka
(1) Allaahu Subxaanahu wa Tacaalaa (SWT) ka sokow, awoodda garsoorka waxay ka timaaddaa shacabka, waxaana u xilsaaran fulinta awoodda garsoorka maxkamadaha iyo Xafiiska Xeer-ilaalinta Guud ee Qaranka si waafaqsan Shareecada Islaamka, Dastuurka iyo xeerarka kale.
(2) Hay'adaha garsoorku marka ay xilkooda gudanayaan, waxa hagaya mabaadi’dan: (a) Ilaalinta maqaasidda Shareecada Islaamka, dhawrista ujeeddooyinka iyo mabaadi'da Dastuurka; (b) Madaxbannaani, dhexdhexaadnimo iyo hufnaan; (c) Caddaalad loo dhanyahay, loona simanyahay; (d) Caddaalad aan la daahin; iyo (e) Dhiirregelinta hannaanka dadban ee xallinta khilaafaadka oo daahfuran, xeerna ku dhisan.
(3) Hannaanka dadban ee xallinta khilaafaadka waa in uusan ka horimaanayn: (a) Shareecada Islaamka; (b) Dastuurka iyo xeerarka kale ee Jamhuuriyadda Federaalka Soomaaliya u yaalla; iyo (c) Xuquuqaha iyo xorriyaadka aasaasiga ah ee Dastuurkani dammaanadqaaday.
No translation available yet in English.
Plain-Language Explanation
Not available.
