Dastuurka JFS (A Citizen’s Initiative)
Home Constitution Blog Authors
CUTUBKA 7: MADAXWEYNAHA JAMHUURIYADDA FEDERAALKA SOOMAALIYA
(CHAPTER 7: THE PRESIDENT OF THE FEDERAL REPUBLIC OF SOMALIA)
Somali (Original)

Qodobka 113aad: Eedaynta İyo Maamuus Kaxayuubinta Madaxweynaha Jamhuuriyadda Federaaika Soomaaliya

(1) Eedaynta Madaxweynaha Jamhuuriyadda Federaalka Soomaaliya waxaa soojeedin kara Baarlamaanka Federaalka Soomaaliya marka lagu eedeeyo mid ka mid ah arrimaha soo socda: (a) Khiyaano qaran; (b) Ku xadgudubka Dastuurka iyo xeerarka kale ee Jamhuuriyadda Federaalka Soomaaliya; ama (c) Xilgudasho la'aan joogta ah sababo maskaxeed ama jireed awgood oo uu si rasmi ah u caddeeyay dhakhtar caafimaad oo la aqoonsanyahay.

(2) Khiyaano qaran Dastuurka dhexdiisa waxaa loola jeeda: (a) Fal kasta oo lagu hor istaagayo ama lagu baabi'inayo ku dhaqanka iyo sarraynta mabaadi'da aasaasiga ah ee Dastuurka; (b) Fal kasta oo lid ku ah gobannimada, madaxbannaanida iyo midnimadda qaranka Soomaaliya; iyo (c) Daacad u noqoshada, gacansiinta iyo u basaasidda quwado shisheeye.

(3) Hindisaha soojeedinta eedaynta Madaxweynaha ee ku xusan faqradda 1aad ee qodobkan, waxaa baarlamaanka horkeeni kara ugu yaraan saddex meelood hal meel (1/3) tirada guud ee xubnaha gole kasta ee Baarlamaanka Federaalka, waxaana loo gudbinayaa Guddoomiyaha Golaha Shacabka kaas oo u diraya Maxkamadda Dastuurka si ay go'aan uga gaarto in eedeyntu ay sal leedahay.

(4) Haddii ay go'aamiso maxkamaddu inay eedayntu sal sharci leedahay, Baarlamaanka Federaalka Soomaaliya waa inuu go'aan ka gaaraa eedaynta loo soojeediyey Madaxweynaha muddo aan ka badnayn soddon (30) maalmood oo ka billaabanaysa malinta la soo saaro go'aanka maxkamadda.

(5) Madaxweynaha Jamhuuriyadda Federaalka Soomaaliya waxa uu sii gudanayaa waajibaadkiisa shaqo ilaa iyo inta baarlamaanku go'aan kamadambays ah ka gaarayo maamuus kaxayuubinta.

(6) Go'aanka eedaynta iyo maamuus kaxayuubinta Madaxweynaha waxaa uu ku hirgelayaa codayn garsoodi ah oo saddex meelood labo meel (2/3) tirada guud ee xubnaha gole walba ee Baarlamaanka Federaalka Soomaaliya. Guddoomiyaha kulankaasi ayaa ku dhawaaqaya go'aanka maamuus kaxayuubinta Madaxweynaha oo noqonaya mid kamadambeys ah.

(7) Haddii Baarlamaanka Federaalka Soomaaliya uu ansixiyo maamuus kaxayuubinta Madaxweynaha, si waafaqsan faqradda 6aad ee qodobkan, waxaa uu weynayaa xilklisa. Haddiise, la waayo codka saddex meelood labo meel (2/3) tirada guud ee xubnaha gole walba, Madaxweynuhu wuxuu sii wadanayaa muddo xileedklisa.

(8) Madaxweynuhu ma go'aamin karo doorasho ama afti dadweyne inta lagu gudajiro habraaca eedaynta iyo maamuus kaxayuubinta.

English

No translation available yet in English.

Plain-Language Explanation

Somali
Madaxweynaha Jamhuuriyadda Federaalka Soomaaliya waxaa lagu soo oogi karaa eedayn horseedi karta xilka ka qaadis haddii lagu eedeeyo khiyaano qaran, ku xadgudubka Dastuurka ama shuruucda dalka, ama inuu si joogto ah u gudan kari waayo waajibaadkiisa sababo jireed ama maskaxeed awgood, taas oo uu si rasmi ah u caddeeyo dhakhtar caafimaad oo la aqoonsan yahay. Khiyaano qaran waxaa loola jeedaa falal lagu hor istaagayo ama lagu baabi’inayo mabaadi’da aasaasiga ah ee Dastuurka, falal wax u dhimaya gobannimada, madaxabannaanida ama midnimada qaranka, iyo daacad-u-noqoshada, caawinta ama basaasidda quwado shisheeye. Hindisaha eedaynta Madaxweynaha waxaa soo gudbin kara ugu yaraan saddex meelood meel (1/3) tirada guud ee xubnaha gole kasta ee Baarlamaanka Federaalka. Hindisaha waxaa loo gudbinayaa Guddoomiyaha Golaha Shacabka, kaas oo u diraya Maxkamadda Dastuurka si ay u go’aamiso in eedeyntu sal sharci leedahay. Haddii Maxkamadda Dastuurku go’aamiso in eedeyntu sal sharci leedahay, Baarlamaanka Federaalka waa inuu go’aan ka gaaraa eedeynta muddo aan ka badnayn 30 maalmood laga bilaabo taariikhda go’aanka maxkamadda. Inta habraacu socdo, Madaxweynuhu wuxuu sii gudanayaa waajibaadkiisa ilaa Baarlamaanku go’aan kama dambays ah ka gaarayo xilka ka qaadista. Go’aanka xilka looga qaadayo Madaxweynaha waxaa lagu gaarayaa cod qarsoodi ah oo ay taageeraan ugu yaraan saddex meelood laba meel (2/3) tirada guud ee xubnaha gole kasta ee Baarlamaanka Federaalka. Guddoomiyaha kulanka ayaa ku dhawaaqaya go’aanka kama dambaysta ah. Haddii labada gole ay ansixiyaan xilka ka qaadista iyadoo la helay aqlabiyadda loo baahan yahay, Madaxweynaha wuxuu luminayaa xilkiisa. Haddii aan la helin codadkaas, wuxuu sii wadanayaa muddo-xileedkiisa. Inta habraaca eedaynta iyo xilka ka qaadistu socdo, Madaxweynaha ma go’aamin karo in la qabto doorasho ama afti dadweyne.
English

Not available.

Questions & Comments (0)